KABATAAN PAGASA NG BAYAN

MGA TULA PARA SA INANG BAYANAT  KABABAYAN

             SINULAT NI :            DEO ANTONIO DELFIN LLAMAS

KALAYAAN NATIN
By: Deo Antonio D. Llamas

Itong kalayaan na
ating tinatamasa
ito’y binayaran na
ng dugo at ng buhay
ng mga bayaning una

Ito’y di maikukubli
laban nila may saysay
at ating generasyon
ang siyang umaani
dulot malayang Pilipinas

At sana di mag wakas
maging totoo at wagas
ating lahing Pilipino
Sa kapwa at sa Mundo
Taas noo kahit kanino

Di ibali wala lang
Itong kalayaan natin
Tayo naman ngayon ang
tinatawag ng panahon
Lalaban ka ba para sa bayan?

Tawag ng Panahon
by: Deo Antonio D. Llamas

Lalabas at lalabas bayaning

dakila sa ating puso'y liliyab

Una kina Lapu-lapu at Soliman

para sa bayan laban dayuhan

Sa kapanahonan ng Kastila

hangad pagbago at kalayaan

pinukaw ni Rizal at Bonifacio

damdaming bayaning Pilipino

Pagdating ng mga Amerikano

Edukasyon, indusriya, natamo

Sila Quezon, Roxas at Osmena

nagbigay laya independensya

Nung digmaan laban sa hapon

hindi tayo umurong tumipon

Lumaban nagka isa ang lakas

makita bayang malayang bukas

At dumating ang martial law

protesta sa kalsada ang sigaw

Mapag api't binging gobyerno

si Ninoy Aquino ang katapat nito

Buhay inalay para sa Pilipino

at people power kasunod nito

rebulosyong di lang nag bago

sa atin, sama pa buong mundo 

Pilipino may galing at talino

makadiyos at may prinsipyo 

makabayan totoong makatao
ngayon tayo'y tinatawag nito

Labanan katiwalian at abuso

baguhin ang systema isapuso

Kung lahat mag tulongtulong

tiyak pag angat at pag asenso

Bulag na Hustisya

By: Deo Antonio D. Llamas 

Bulag na hustisya o nag bubulag bulagan

Nasilaw sa pera o bayad sa utang 

Di maitanggi may huhukom din sa kanila

Compromise negotiation di dapat nang una

Walang duda may araw din sila 

Sana matakot sila para sa kanilang kaluluwa

Ano man ang mangyari

Diyos ang huhusga sa gawa ng tao o di ginawa 

Gat Jose Rizal Ama Ng Ating Bayan

By: Deo Antonio D. Llamas

Namulat ako sa isang pambihirang tao

Bata pa ako sya'y naging idolo ko

Marahil kaya'y siya'y may angking talino

O puso na marangal at di manloloko

Sa kanyang iniwang bakas tayo'y lumakas

Bayang Pilipinas may malayang bukas

Minulat ang bayan sa maling systema

Pinukaw hinangad  kalayaan ng bansa

Sa pag panaw nya'y lumiyab mga damdamin 

Inspirasyon sa rebulosyong bumago sa atin

Ang buhay nya ay isang obra maestra

Pagmamahal sa diyos, bayan at pamilya

Si Gat Jose Rizal di lang bayani ng bayan

Sya ang pambihirang ama ng ating bayan

Sa Pagbukas Nitong Entamblado

By: Deo Antonio D. Llamas
 

Sa pagbukas nitong entamblado

Ako’y nagagalak makilaho

Malathala ang puso at diwa

Ating pag aralan ang panig ng magsasambuwa

Dapat ba o hindi dapat?

Mag ibang bayan ba ay makabayan

O pang sariling interest lang ang namamalayan

Pilipinas ba’y sapat na o dapat tayo'y maging tapat

Sa sarili, sa pamilya, sa diyos at sa bayan

Sa panahon ng teknolohiya, kaalaman

At mabilis na transportasyon, globalisasyon

Mundo'y lumiliit at tayo ang naiipit

Umiiba ang panahon at pangangailangan

Nang sosyudad at kapaligiran

Bilang  tao o bilang Pilipino

Ano ang sagot mo sa tanong na ito ?

Salamat at ako'y inyong inanyaya

Ako po ay sa hanay ng mga nangingibang  Bansa

Ito po ay sa aking pananaw lamang

Tulad ni Gat Jose Rizal isang Pilipinong Global.

Sa Lungkot at Saya 

By: Deo Antonio D. Llamas 

Sa lungkot at saya

Sama na luha at pawis

Lamig o init hahamakin

Para sa minamahal na mimis

Ito ang kapalit makamit

Buhay na hinahangad

Bukas na may tingkad

Masayang hinaharap

Ang ngayon ko ay iaalay

Mabigyang masaganang buhay

Lahat ng ito ay may saysay

Makita ang pamilya matiwasay

Panandaliang sakripisyo

Sa ibang bayang magtrabaho

Sadyang ito'y hindi biro

Mawalay sa mga inspirasyon ko

May Paroroonan  

By: Deo Antonio D. Llamas 

Ako'y tutula mahabang mahaba

Ako'y uupo tapos na po...

Ang balagtasan galing kay balagtas

Lahat panalo walang talo dito

Sa mga bagong balagtas ngayon

Walang atrasan harap harapang

Nakipagtagisan lumalaban dala

Ang puso, isip damdamin at kaalaman

Patunay na ang tagumpay ay nasa

Pagkakaisa kahit iba iba ang pananaw

Respeto lang at pakinggan ang panig ng iba

May paroroonan sa tamang diplomasiya

Para sa bayan natin lahat ay gagawin

Mapa abroad man o manatili sa atin

Taas nuo tayo itaguyod ang bagong ako

Bagong Pilipinas, bagong Pilipino

Trabaho sa Ibang Bayan

By Deo Antonio D. Llamas 

Ang mag trabaho sa ibang bayan datapwat

Mahirap malungkot at hindi lahat sarap

Ay isang oppurtunidad na di dapat ibaliwala

Ito'y laking tulong sa ekonomiya ng lahat

Sa praktikal na panahon nakakabuti

Ito sa pamilya at bayan ng Pilipino

Tulad ng dolyar katumbas ay 40 na piso

Isang taon sa america 40 anyos na trabaho dito

Malungkot isipin pero ito'y totoo

Kung tunay nagsisilbi ang pamahalaan sa tao 

Matagal at malayo na sana ang naabot

At hindi mag ibang bayan para mag trabaho

Sa tawag ng panahon tayo'y sasagot

Tulungan ang bayan sa padalang maabot

Remitans,teknolohiya at bagong pamamalakad

Maging halimbawa kung ano ang tapat,sapat at dapat

Bagong Bayani

By: Deo Antonio D. Llamas

Tulad ng mga kastila ,

Intsik , kano at mga hapon

Ngayon mga koreyano, bombay at afrikano

Piniling maging dayuhan sa ating bayan

Sinagad ang kapalaran dala kaalaman

At yamang galing sa ating nayon

Ngayon tayo naman

Nangingibang bayan

Dala balik dolyar, euro,yen at iba pa

Sama na ang mga anak 

Eurasian, Fil-am, Fil- kor, Hapnoy

Tulad ni Tia, Apple d Aps, Jessica Sanchez ng American Idol

Simpleng matematiks lang mga kaibigan

Sa diyes milyunes na nag sasapalaran 

Gawing mag inbest isang milyon, isa't isa 

Padala para sa ating inang bayan

Sampong trilyones pesos na 

Ang madagdag sa ating kaban

At may magagandang balita 

Marami ng bilyonaryong pinoy sa abrod

Dahil sa  tiyaga, tapang,  talino at hagod

Dapat sila'y gawing halimbawa

Tularan,  gawing inspirasyon

Mga bagong bayani ng panahon

Sa inyo ako'y saludong saludo

Ito ay totoo sa kalaliman ng aking puso

Pasasalamat at hangad ang tagumpay nyo

Raga Raga

By: Deo Antonio D. Llamas

Isang gabi ako'y namangha

Sa pangyayaring di tulad ng iba

Di ako nakatulog sa pag oobserba

Libo libong raga raga ang aking nakita

Sabi nila pag ito'y nagpapakita

Ito'y hudyat na tayo ay maghanda

Bagyo, ulan ay sasalanta

Ito ang pamanhiin ng mga matatanda

Sa ilaw ng bombilya sila'y napapaamo

Tulod ng mga gamo gamo dito ay nasusuyo

Aking nilagyan ng plangganang may tubig

Sa repleksyon sila'y nalilinlang at nabibihag lagi

Sa tindi nang init kolonya nila'y lilisanin

Magpapalamig o maghahanap ng pagkain

May katangian silang mahalimbawa sa atin

May dahilan sa paglilisan natin

Mayroong iba nasusunog sa init nang ilaw

May roong iba nalulunod sa tubig na papahamak

May roong iba sinasakripisyo ang pakpak

Sinasalba ang iba para makalutang sa bitag na tubig

Sa mga raga raga na wala nang pakpak

Sila'y naiiwan na ng mga kasamang nakakalipad pa

At dito sila magtataguyod ng bagong kolonya

Waring immigrante bagong pagsisimula

Sa mga nakakauwi pa pakpak di pa sira

Dala ay sigla sa mga naiiwan sa kolonya 

Kwento at pagkain pagmamahal ay kasama

Aral ng buhay, teknolohiya, pananaw at systema

Sadyang may mga tao mataas ang mga pangarap

Nasisilaw sa mundo ng karangyaan, nalulunod

Sa mga pangyayaring di inaasahan

Nasusunog sa kabiguan at sakripisyong pasan 

Di maitanggi na di natin hawak ang kapalaran

May mga tao pang sariling bayan lang

May mga sadyang pang sanlibutan

May napapala alam ang gusto at napapagbigyan

Diyos ang may alam sa ating mga kapalaran

Tulad ng raga raga lahat ay may paroroonan

Kontribusyon sa pamilya, bayan pinapahalagaan

Dalangin lagi ituro sa atin ang tamang daan

Bilog ang Mundo

By: Deo Antonio D. Llamas

Bilog and mundo at pa ikot ikot pa

Minsay masaya minsay nakakapagtaka

Sa araw magisnan ganda ng kapaligiran

Sa gabi magunita lawak ng kalangitan

Maraming katanongan sa landas ng buhay 

Bakit may mayaman may nauulila

Bakit ang kapalaran di pantay pantay

May nagwawagi may nasasawi lagi

Minsa'y na sa taas ka bigla kang bababa

Walang kasiguraduhang gulong ng buhay

Tiyaga lang at sipag pag-asa wag e wala

Panalig lang lagi sa diyos na tagalikha

Hawak nya ang pagikot ng buong mundo

Kaya niyang baguhin mundo mong hawak nito

Ating alalahanin sya ang naglikha

Sya ang buhay at gabay ng mundo 

Tunay na daan kanyang pinakita 

Tanging kay Kristo  tunay na katotohanan

Bilog ang mundo at ito ang totoo

Diyos may alam kung saan tayo patutungo

Buhay, Tubig, Kalikasan 

By: Deo Antonio D. Llamas

Ganda ng kalikasan ating pag ingatan

Alagaan bigay ng Diyos sa kalangitan 

Masaganang tanawin sariwang hangin

Alay ay buhay sa dulot nya'ng pagkain

Sa kanya galing tubig na dinadalangin

Ng mga magsasaka mangingisda'y dingin

Tubig ng buhay sadyang nakakabuhay

Sa lupa’t dagat kapatagan kabundukan

KABATAAN PAGASA NG BAYAN

KABATAAN PAGASA NG BAYAN
BY: DEO ANTONIO D. LLAMAS

KABATAAN PAG-ASA NG BAYAN
SILA'Y BIGYAN TAMANG DAAN
TUNGO SA TAMANG PAROROONAN

ITURO PAGMAMAHAL SA DIYOS, 
PAMILYA, KAPWA AT BAYAN
ARAL NG BUHAY WASTONG PAMUMUHAY

BILANG MAGULANG,PAMILYA
GURO PAMAHALAAN O SIMBAHAN
MAGING HALIMBAWA SA SALITA ISIP AT GAWA

MAGANDANG BUKAS KUNG NGAYON NILA'Y
SAPAT, MAY SAYSAY AT KULAY
LAGING ISAUNA NA SILA'Y E UNA

TAYO NGAYON MGA KABATAAN NOON
TAYO NAMAN ANG MAGHAHANDA
SA MGA KABATAAN NGAYON